[ندعوك للتسجيل في المنتدى أو التعريف بنفسك لمعاينة هذه الصورة]اللي غنى و ارقص ما يخبي لحيتو
لقال كلام الصح تخرج ريتو
لغنم ترعىو تسرح عرفوا فين يبيتو
اليوم اللي يربح ربح من نيتو
واللي كلامو يجرح ما تسمع لديتو
اش عندو ما يملح غير الخبز في بيتو
راه اللي غنى و اشطح ما يخبي لحيتو
ما يتدفن في القبر غير مولاه
الصغير اللي ما يتكلم يعرف امو قبل اباه
اللي اتهرس يتجبر و الي عمى ما كاين دواه
الجيعان شاد في الصبر و رزقو الشبعان اكلاه
هاد الدنيا بحر اللي ما يعرف يعوم الداه
الكف ما ينوض شعر والراس كلو غطاه
حنت ما يتدفن في القبر يا سيادي عا مولاه
زواج ليلة تدبير عام
اليوم ما تنفعك حيلة تفضح مع الايام
ولا تجمعات العيلة يوقع فيها الخصام
كل مخلوق يعمل وسيلة باش يبحث عن الطعام
بيضة ما تعشي قبيلة واللحم بلا شحم ما يعطي ايدام
يخمم مول العولة قليلة و يشوف من هنا القدام
حنت زواج ليلة تدبيروااااااااااا عام
قوة الجراد كاترخص اللحم
الى قلت البلاد كاتعبر بالقدم
و قوة الاولاد كاتعيش في الهم
كايتحمم غير الحداد و الجزار مطلي بالدم
بغاو يقطعوا الواد لقاو المسرب اتردم
القراب و البعاد كلشي ناعس يحلم
حنت قوة الجراد كترخص اللحم
غير كمش النحل خير من الشواري الذباب
الى بغيتي توصل قول انا عيان
سير غير بالمهل تعرفجميع الطرقان
ولا تحدر راسك للذل الكرامة هي الانسان
و لا تدير خدمة الجمل لحرثو يعطيه الدكان
ورياح عليه لا تعول يكون زيادة يكون نقصان
حنت غير كمشة النحل خير من شواري ذباب
لبكاء وراء الميت غير خسارة
لا تقول راني تعذبت وخدمت بلا اجارة
اللي اكل الطعم فلت واللي بقى شداتو الصنارة
اللي تزرع في الشتاءينبت و الي في الصيف داق الحرارة
واللي على الحق يسكت اعطاوه الشوك و قال نوارة
و السفينة الى غرقت محال ينجو البحارة
حنت وراء الميت لبكاء غير خسارة