انتبه من فضلك الرجوله ترجع الى الخلف !

السلام عليكم ورحمه الله وبركاته

كتيير منا فاهمين معنى الرجولة غلط .. الرجولة عند كتير من الشباب هى أنك تمشى على مزاجك ماتعملش حساب لكلمة أهلك

تشرب بريل تشرب سجاير ومايهمكش حد تشيش من غير ماتكح << راااااجل اوى !! >>

وشويه شويه تدخل فى طريق المخدرات علشان تكتمل رجولتك قدام اصحابك وتعاكس بنات بصوت عالى << ونعم الرجال !! >>

تلبس
ضيق وملون وبناطيل واقعة وموبايل احدث حاجة عشان بس تصور اللى رايحة واللى
جايه وتسمع فى اغانى ليل ونهار وتجيب بالبلوتوث من اصحابك حاجات ميصحش
تبقى فى موبيل واحد محترم

وأى خناقه تروح تجامل فيها كل يوم تخدع
بنت وتسيبها وتخدع غيرها .وكتير وكتير يعنى عايش حياتك بدماغك مش بتعمل
حساب حد دا معنى الرجوله عند شباب كتييير أوى..

وفى ناس تانيه فاكرة ان الرجوله هى التحكم فى اى حد قدامه وفرض رايه حتى لو غلط

مثلا لو واحد خاطب او متجوز لازم لما يقول لخطيبته او مراته أعملى كذا يبقى لازم تعمل كذا كدة يحس أنه راجل فعلا !!

وامثلة كتير عن الفهم الغلط لمعنى الرجوله لكل الى فاهمين معنى الرجوله بالطريقة دى

>> أسفين مش هى دى الرجوله <<

دى معناها الاصح >> الهمجيه << ..

أما
الرجوله الحقيقيه بقى فمعناها.. الرجولة كلمة شرف وعزة... الرجولة هى
البذل والعطاء والتضحية.. الرجوله هى الاحسان الى من أحسن اليك .. الرجوله
هى أن تحترم أراء الناس ولو صح تاخد بكلامهم.. الرجوله أنك متدورش غلى
شماعة تعلق عليها أخطاءك وترميها على اللى حواليك.. الرجوله هى انك تقول
الحق مهما كان بدون أى مجاملة لحد.. الرجوله انك تدى لكل واحد حقه
وماتستغلش الضعيف ابدا.. الرجوله هى المعامله الحسنه لاهلك سواء ابوك وامك
او مراتك .. الرجوله هى انصاف واحد مظلوم ولو حتى اقرب الناس ليك هو الى
ظالمة.. الرجوله انك تساعد اى حد محتاجلك على قدر المستطاع.. الرجوله انه
اللى مترضاهوش على اختك مترضاهوش على اى بنت تانية.. الرجولة انك متقولش
البنات هما اللى لبسهم خليع مهيا خرجت باللبس ده من بيت المفروض انك الراجل
فيه .. الرجوله أنك تمسح بايدك دمعه من على خد أى حد مهموم.. الرجوله أنك
تنام مرتاح الضمير من ناحيه نفسك ..

واخيرا الرجوله مش بالمناظر ..

وطبعا صعب فى زمنا نلاقى راجل كامل بالمواصفات دى بس فى الاول والاخر

>>> هو دا معنى الرجوله الصحيح <<<

فيا ترى كام راجل ف زمنا ده ؟؟!!!

اولا احب اشكرك على الموضوع الرائع

بس انتى لو فكرتى شوية كدة هتلاقى ان دى مش همجية انما تقاليد وعادات بنشوفها من جدود الجدود
ومفهوم الرجولة / ان الراجل هو المسيطر والمهيمن وبالفعل لازم الراجل يتحكم فى مراتة لان دى سنه الحياة

وسيبك بقا من الراجل المودرن اللى مش هتلاقية فى مصر ولا فى الوطن العربى

يعنى الراجل العربى ام الراجل الاجنبى Smile